"O Signo dos Catro" é o terceiro título de Sherlock Holmes para pequenos detectives, unha colección amena e divertida cos mellores casos do detective máis famoso de todos os tempos. Grazas á súa narrativa áxil e ás rechamantes ilustracións axudará a consolidar o amor pola lectura dos máis novos. Ademais, as didácticas aclaracións sobre termos e obxectos propios da Inglaterra da época achegaraos á literatura clásica de detectives.

A través das crónicas do Dr. Watson compartiremos as súas aventuras cheas de misterio, roubos e asasinatos.

Guía didáctica dispoñible en: https://www.editorialbululu.com/web/wp-content/uploads/2022/08/FichaDidactica_SherlockHolmes_O-SIGNO-DOS-CATRO.pdf

“Agarde HOXE ÁS SETE DA TARDE no exterior do teatro Lyceum, na terceira pilastra comezando pola esquerda. Se é desconfiada, veña acompañada de dous amigos. Foi vostede aldraxada e váiselle facer XUSTIZA. Non chame á policía. Se o fai, todo será en van.”

Cando lle piden a Holmes que investigue unha críptica mensaxe recibida por Mary Morstan, nin el nin Watson agardan verse arrastrados a unha espiral de traizóns que xa vén de vello. Axiña estarán levando a cabo perigosas expedicións baixo o luar para descubriren o significado do signo dos catro, e resolver así un misterio soterrado durante anos.

3º-4º Primaria