Un percorrido pola historia da literatura, desde a primeira poetisa Enheduanna á obra do gran Gabriel García Márquez. Da man de Calíope, María e Isadora, as protagonistas deste libro, visitaremos algúns dos seus momentos clave, como a codificación da escritura na cidade de Ur ou a invención da imprenta. E por que non escoitar a algúns dos xenios e personaxes da historia? Cifuentes dá voz a Homero, Petrarca, Sherezade, Gilgamesh, Marco Polo, Calvino ou Fitzgerald, para coñecelos mellor. O obxectivo final non é condensar toda a historia da literatura universal, senón un máis modesto, pero igual de ambicioso, o de compartir cos lectores máis novos unha visión amena, viva e plenamente contemporánea da literatura universal e do formidable que é cultivar o vicio da lectura, un vicio cheo de historias marabillosas.