Lisboa, verán de 1968.
Durante corenta anos, Portugal viviu baixo a ditadura de Salazar. Con todo, é posible gozar da vida á beira do Texo se decides pechar os ollos, e esta é a elección do médico privado Fernando Pais.
Despois dunha atormentada mocidade militante, Fernando, agora nos seus corenta, tómase a vida con lixeireza e os seus amoríos con frivolidade. Un día como outro calquera, cando visita a un paciente na sede da policía política, Fernando defende a un neno que se burlou dun dos axentes. Pero o mozo non fai distinción entre o policía e o médico. E se o pequeno revolucionario dos pantalóns curtos tivese razón? E se a indiferenza de Fernando o convertese en culpable? O médico aínda non o sabe, pero este encontro cambiaralle a vida...