Premio O Barco de Vapor 1997.
Valdemuller é unha historia de iniciación onde Mina, unha rapaza que acaba de facer quince anos, se interna no mundo dos coñecementos ancestrais das mulleres que saben, que sempre souberon ao longo dos séculos, malia as invisibilidades e os silencios impostos. Tamén é o nome dunha fraga frondosa e enigmática situada no corazón da provincia de Lugo.

Mina cumpre quince anos e a súa familia organiza unha festa na que a rapaza recibe un fermoso e estraño colgante en forma de estrela. É o agasallo que lle envía unha tía-avoa súa que nin sequera sospeitaba que existise. Mina sente de súpeto a necesidade de coñecer esta "filla da lúa". A viaxe para atopala converterase en toda unha aventura que acelera a súa mmaduración como muller.

3º-4º ESO