SENDASdeONS:
Para os habitantes do continente, cando a auga era fertilizadora, bondade divina, o arquipélago foi lugar de peregrinación.

Hai milenios diso, dende que Ons se representaba nos illarios transmitidos de voz en voz como manancial de vida e coiraza contra as tempestades destrutoras do Mar Maior. Lugar a onde dirixir pregarias e pasos. Un horizonte, un destino curador e sagrado, un camiño ata ese vórtice do océano onde se abre o paso ao mundo sobrenatural, á ultratumba.
A auga forma parte da mesma raíz do seu nome.
Aunes, Aones, Ones, Oes, Oos, Ons.